真金白銀番嚟嘅窗台用嚟晾衫真係太浪費啦，所以我哋今次想介紹一下可以好好利用窗台空間的五大法！
窗台梳化
香港屋企好多其實廳同房都會有窗台，一般近窗都會比較通風冇咁熱添。所以做成梳化空間係一個一流嘅選擇。最緊要係有得挨下個背脊舒服啲。
窗台坐墊
呢個都係用作招待客人的好選擇。同窗台梳化原意差唔多，不過可以不做背墊可以加番啲攬枕。睇落個感覺都比較蝸居，仲可以隨時攞去屋企其他地方用。
窗台床
香港一般的窗台都係50－75 cm 闊，其實一張單人床都係90 cm 左右，雙人床120 cm 左右。可以選擇訂造窗台床，就慳番原本要另外放床嘅位置。仲要床下面可以用作收納用途添。間房依家放多張檯都唔成問題！不過要留意番床褥要最小有183 cm。
窗台枱
窗台係窗邊固然之就係有比較多自然光啦，咁我哋係屋企最需要佢就係用嚟工作嘅時候。用嚟做枱雖然係一個好正嘅用途。但係有唔小嘅問題要考慮的，因為一般窗台嘅高度都係比工作枱高，所以會有機會要地下做番地台高番啲先可以坐返一個舒適嘅坐姿。
唔係嘅話長期坐姿不對，手同身體都會有機會受傷。加上因為窗台是實心的平時慣咗放腳係枱底係做唔到的，所以最好要做到枱係凸咗出嚟或者有推拉設計。就好似電腦鍵盤托咁樣，用落就舒服好多！
窗台書櫃
窗台其實亦都可以配搭一個書櫃就再好不過，放下啲書可以即刻為屋企帶上唔小文青味。以後都唔再需要另外有一個書櫃，幫到屋企慳到唔小位呀！
